CEWAHIRÊN KURDÎ

Cewahirên Kurdî, dewlemendbûn, cihêrengbûn an pir babetbûna kelepûra wêjeya neteweyan bi xwe re du xalên girîng ên jêneger tîne. Yek, avakirina paşxaneyeke birêkûpêk û tijî a folklora neteweyî û didu bi awayekî erênî bandorkarîya asofirehbûna li ser textên wêjeyî ên ku paşê dê bên nivîsîne.

Xelîlê Çaçan (Mûradov), bi ked û emegê xwe yê di biwara dewlemendkirina kelepûra wêjeya neteweya Kurd de, eger gotin di cih de be ji çemekî boş diherike dewla ava xwe tijî dike. Qise, kurteçîrok, meselok ango zargotin, ev deqên di vê berhemê de heke bi çi navî werin navandin jî dê ji girîngî û nirxdarîya xwe tu tiştî kêm neke.

Deq û textên Xelîlê Çaçan stêrkên şewqdar û rewnaq in, di ezmanê kelepûra wêjeyî Kurdî de ku wê her timî bi serbilindî bibiriqin.

“Rojekê yekî Ermenî ji hevalê xwe yê Kurd re dibêje:

-Bira, ku tu bibî padişah, tuyê çi bixwî?

-Ezê çîlika orta pîvazê bixwum.

Îcar yê Kurd ji hevalê xwe yê Ermenî dipirse:

-Bira, lê ku tu bûyî padişahî, tuyê çi bixwî?

-Bira, kat e li rûbarê dinyayê çi hişt, ku ez bixwum?”