MENZÛMEYA TECWÎDÊ

Ji kûrahîya ilmên dînî û di warê tewcîdnasîyê de pirtûka yekem ku bi Kurdî hatiye nivîsîn ev berhem e. Ev kitêba ku di destê we de ye berî nêzîkî du sed û pêncî salî hatiye nivîsîn û heta niha jî hatibû veşartin di nava gencîneya klasîkên Kurdî yên olî de. Ji rêbazên xwendina Quranê bigire hetanî şikilê xetên Mishefan bi awayekî nezmî rêz kiriye. Her çiqas Tirk û Ereb xwe bi vî ilmî îftîxar bikin jî lê Seyda Mela Xelîlê Sêrtî bi vê menzûmeyê merşika xwe li ser xalîçeyên wan radixe û tecwîda Kurdî şîrîntir û şênbertir dike.

Her wisa Seyda bi vê metinê girêdana ekola qariê mezin û Kurdê navdar Îbn-u Cezerî jî dertîne holê ji bo ku xwendevan tehma Kurdewarîyê hîn bibe. Êdî xwendevanên Quranê ji vir û pê de wê dengderketin û sifetên herfên Hecaê bi awayekî zelal binasin. Ji lew re divê medreseyên Kurdan xweş xwendina Quranê ji nû ve hel bikin û vegerin ser bingeha xwe ya esîl ku bi salan e ev hîmê han ji nav me rabûye.

Her weha sekin û îşaretên ser ayetan jî bi awayekî ron datîne ber sifreya me ji bo em nesîb û para xwe jê bigirin.

Di olnasîya Kurdî de cihekî cuda bi vê berhemê tê meydanê, ji bona xelekên klasîkîyê bêne şikandin û ji çar alîyan olnasîya Kurdî xurtir bibr.