FERHENGA SIRGÛNÊ

Çîroknûsê Kurd Yaqob Tilermenî'yê ku di Wêjeya Kurdî ya roja me de bi pirtûkên xwe yên çîrokan ên bi navên ‘Êşbazî', ‘Bermeqlûb', ‘Metamorfoz' û ‘Kermêşa Gerok' tê nasîn di pirtûka xwe ya sêyemîn a çîrokan ‘Ferhenga Sirgûnê' de; jiyînên nivîskarekî sirgûn, xwendinên wî û hêmakirinên wî yên bi zimanekî hêmayî honandiye; di çîrokên xwe de bi qasî pêncî wêjevan û nivîskarên sirgûn ligel kurtejiyana wan bi awayekî alfabetîkî tevlî pirtûka xwe kiriye. Di çîroka xwe ya bi navê Çîrokname de pênûsa xwe ya ku nayê bêdengkirin bi van hevokan dide axaftin: “Ez ji hemû rûmetên xwe dûr ketime; lê, ne ji nivîsê… Her çiqasî li derveyî jiyanê hatibim hiştin jî, dê ruhstînê dadmendiyê temenê min ê wêjekariyê dirêjtir bike…”