MERIVÊ BÊ DERD

Merivê Bê Derd, yek ji xweşî û bedewîya Çîrokên Hezar û Şevekê… Tevî ku xwendevan çîrokên gelêrî û ên di nava civaka xwe û civakên cîran de berbelav in dixwîne jî, di ber re bi tehmeke cuda a xwendina wan çîrokan dihese ku zû bi zû nikare ji bîr bike. Merivê Bê Derd a Eskerê Boyîk, tevî bîst û şeş çîrokên xwe ên cihêreng, piralî û dewlemend ên di vê berhemê de tehmeke Çîrokên Hezar û Şevekê pêşkêşî xwendevan dike. Her çendî xwendevanên ku aşînayê adanîya pênûs û şêwaza delal a Boyîk nas dikin jî, bi van çîrokên tehmxweş û dewlemend ên ku ji nava civakê û ji nava xeyalên baskfireh derketine, dê bi şêwazeke cudatir a Eskerê Boyîk bihesîn.  

“De pêxamber bû, rabû, ji xwe re çû bajarekî, demekê li nav bajêr gerîya, paşê ku lap ji nava evdan derkeve, çû nava çîyayan, li wir kanî hebû, ji kanîyê av vexwar, li ber kanîyê demekê rûnişt. Li rex kanîyê dareke bilind hebû, rabû ser darê, ser çiqilekî, di nava pelkên six de rûnişt û qirar kir wê rojê ji darê peya nebe.”