SETA FÊRÎKÊ ÛSIV _{Hesretdefter (1), Sûretsûfê (2), Êvara Zivistanê (3)}

SETA FÊRÎKÊ ÛSIV 

Hesretdefter, Cilda I

Hesretdeftera Fêrîkê Ûsivê helbestkar û wergêr, a ku cilda pêşîn a Hemû Berhemê wî ye. Gava ku mirov çav didêre Hesretdeftera Fêrîkê Ûsiv, mirov hişmiraz li bedewiya berhemên wî dinihêre. Ev risteyên Fêrîkê Ûsiv bi dest xwe re xwendevanê xwe dikişîne nava xwe û bi me dide zanîn ku Ûsiv helbestkarekî serdema xwe ye, gerdûnî ye û ew qasî jî ji çavaniyên zimanê Kurdî bi lemelem tê.

Hezkirî tê bi lewzê xweş,

Tûmê sêfîl karrêz dike,

Û dihele bengiyê serxweş,

Tê, mirina xwe hembêz dike.

Sûretsûfê, Cilda II

Sûretsûfê, cilda II. a hemû berhemên Fêrîkê Ûsivê helbestkar û wergêrê mezin î Kurd; helbest, kurteçîrok, laqirdî û piyesên wî bi xwe digire, yên ku wî di navbera salên 1971 û 1984'an de nivîsîne.

Hem ba, hem bende razane kûr kûr,

Lê niza'm bi çi heyr û hesreta dûr –

Vê şeva şêrîn bi heybet dizûkin

Yek seyê şeveder, yek jî dilê min.

Êvara Zivistanê, Cildê III

Êvara Zivistanê, cildê III. ê hemû berhemên Fêrîkê Ûsivê helbestkar û wergêrê mezin î Kurd, helbestên wî (1985 – 1997) û beşek ji hemû wergerên wî yên navdar (1963 – 1997) bi xwe digire.

Bager telpê davê' esmên –

Bagerînk tev rakirî –

Ha dehbekî dike zûkîn,

Ha nolanî zar digirî,

Ha li qesela li ser ban dixe,

Dike dewî û dengî,

Ha li pencereya tam dixe

Mîna rêwîyê derengî.

Ji Weşanxaneya Lîsê, bi edîtoriya Kawa Nemir, pêngaveke mezin di warê vejandina berhemên helbestkar û wergêrekî wek Fêrîkê Ûsiv.