ÊDÎ DERENG BÛ

Êdî Dereng Bû, yek ji çîroknûsê jêhatî, hoste û kedkarê kurteçîrokan ê ji Kurdên Ermenistan, KafKasan, Emerîkê Serdar, bi vê berhema xwe a li ber destê we, bi awayekî sade û xwezayî ji erdnîgarî û civaka ku lê jîyana wî derbas bûye, bi rêya vegotineke xweşşêwaz bang li xwendevên dike. Di bîst kurteçîrokên para yekem de, xwendevan her carê bi çîrokeke cihêrengtir û balkêştir xwe noqî zewqa xwendinê dike. Di para duyem de, Nexş û Nîgarên Hûr, ku tê de panzdeh çîrokên mînîmal hene, xwendevan dê li hemberî xweşî û bedewîya wan a rengîn û dewlemend bi hurmetê kumê xwe derxîne.

Êdî Dereng Bû, der barê jîyana rojane de gelek hûrgilîyên ji ber çavên mirov direvin hene. Bi gotineke din xwendevan dê di vê berhemê de xwe di cîhaneke wisa de bibîne ku him a nêzî xwendevan e û him jî a dûrî xwendevan e. 

“Min got:

-Min bêrîya gundê me, mala me, zarokatîya xwe kiriye

Ji min re gotin:

-Ê, çi tiştê çetin e? Li maşînekê siwa bibe û hayda.

Min got:

-Maşîne diçe gundê me, dibe niha dikare here ber mala me jî. Lê hela tu maşîneke wisa tune ye ku karibe min bibe bigihîne rojêd zaroktîya min.”