ŞER DI ÇÎYAYAN DE

Şer Di Çîyayan De, piştî şikestina serhildana Şêx Seîd, rejîma Kemalîst li Kurdistanê dest bi pêleke nû a tepisandin û sernixûmandina livûtevgerên serhildêrwarî bi hovane û tund dike. Li Wanê û derdora wê, gênc û ciwanekî bi navê Şêx Zahir ku destpêkê xwendekarekî medreseya ilmî û dînî ye, bere bere bi çavnasîn û hayedarbûna ji rewşa Kurdistanê berê xwe ji medrese û ji ilmê dînî dadigerîne ser rêya şoreş û şoreşgerîya neteweya Kurd.

Şer, berxwêdan, îxanetên mezin, evîndarên ku nagihîn mîrazê dilê xwe û têkoşîna lehengane a Şêx Zahir û hevrêyên wî.

Romana dîrokî, Şer Di Çîyayan De, bi honaksazîya xurt a Elîyê Evdilrehman mîna destaneke cengawerî, fedakarî, têkoşînî û berxwêdêrîyê jî dikare bê xwendin.

“Gelî çîyayan, biraderên kurdan ên bi salan, qurnan, dewranan, hûn zanin ku Kurd û miletên mayîn ên jar bê hesab muhtacê we ne, ku we di emrê xwe yê kevnare de û heta roja îroyîn çi li ber çavên xwe dîtiye, qise bikin.”