BÊYOM

Bêyom, çîroka Siloyê masîgir e. Silo rojekê diçe ku masîyan bigire. Di nava deryayê de tora wî bi tiştekî ve dialiqe. Silo dike nake nikare tora xwe ji cihê pê ve aliqiye veke. Di dawîya dawîn de xwe bera nava avê dide û tora xwe vedike. Gava ku Silo tora xwe vedike bermayîyên keştiye noqî avê bûye dibîne. Perçeyên keştîyê, alav malav, hestiyên mirovan tev li cihehî ne ew qas fireh belav bûne. Silo di nava komeke hestiyan de kûpekî dibîne û vî kûpî bi xwe re derdixe jor. A vê demê bêyomî dest pê dike.

Bêyom a Siyamed Serbilind, ji serpêhatiyên çend rojan pêk hatiye, bi zimanekî nerm, sivik û Kurmancîyeke dewlemend vegotiye. Roman ji serpêhatiyê çend rojan pêk hatibe jî, ji ber ku ravekirina serpêhatî û bûyeran bi sêwirandike xwerû û herikbar hatiye vegotin dê xwendevan tavilê ber bi xwe ve bikişîne. Serbilind, di vegotina serpêhatiyan de, gelek dengên xwezayê û lêkerên balkêş yên ku di jiyana rojane de zêde nayên xebitandin, bi kar aniye û bi vî awayî derîyê îmkanên nû ji bo vegotineke balkêş vekiriye.