MIRIN DI XEWÊ DE BÛ / BÊPAR

Mirin Di Xewê De Bû. Dadgehek û kesekî lêqewimî yê bi navê Mauricio Varella. Yekî ku ji ber îdealên xwe yên li ser jiyaneke azadtir, ji ber jiyana xwe ya polîtîk, piştî derbeyeke leşkerî ya li Spanyayê hatiye girtin, tevî heval û hevriyên xwe tûşî şikenceyên gelekî mezin bûye. Mauricio li ber dadgêr dipeyive, qala tiştên ku hatine serê wan dike, hevriyên wî yek bi yek çawa mirin, qala wan dike. Em dibêjin qey ew welat Spanya ye, lê ew welatê ku ew qal dike, ev welat, Amed û zindana wê ye. Berpirsiyarê leşkerî yê bi navê Adolpho tevî kûçikê xwe yê hestiyar ê bi navê Bob, Esat Oktay Yıldıran û kûçikê wî yê navdar bi xwe ye. Mauricio, di vegotina xwe de, qala zindanê, Adolpho, kûçikê wî yê dirr, Bob, şikencekar Fabio, gardiyanan, hevalên xwe Eduardo, Tobias, Hernandez, Roberto, Manuel, berxwedana wan a mangirtinê, berxwedêrên ku yek bi yek dimirin û mêşa ku her carê bi vizîniya xwe nûçeya mirinekê tîne, dike.

Bêpar. Wênekêş Kevin Carter ê li cîhanê navdar, ku di wexta xwe de, li Efrîqayê, ew wêneyê zarokeke ku ji birçîna li ber mirinê bû û sîsarkek li bendê bû, ku zarok bikeve bimire, ew jî were wê bixwe, kişandibû. Lîstika şerê Kevin ê bi xwe re û bi Angel, Mona û Bethyyê re. Şerekî ku bi kêliyên rabirdûyê, poşmaniyan û divêtiyan ve hatiye girêdan. Gotûbêja kesekî ku bi her awayî avêtiye qulpa paşiyê, tu rê jê re nemaye, nema dizane xwe çawa rizgar bike ji jana ku ji rabirdûya wî, ji wêneyekî ku li Efrîqayê kişandiye û pê li hemû cîhanê deng vedaye. Kevin Carterê ku li riyekê digere, ji bo ku ezaba ku wêneyek û tiştên bi xwe dîtî dide wî tepeser bike. Gelo ev ê çawa bibe?

Mirin Di Xewê De Bû û Bêpar. Du lîstikên şanonûs û şanogerê Kurd, Cuma Boynukarayê ku ev devîdevî sî salan e gelek lîstikên şanoyê bi Tirkî nivîsandine, bi wan lîstikan gelek xelat wergirtine. Ber bi hemû lîstikên wî, du lîstikên wî, di pirtûkekê de, bi Kurdî, bi wergera Lal Laleş, Rêzan Tovjîn û Fehîm Işık.