KOLEKSÎYONA ALEKSANDRE JABA

Aleksandre Jaba, bi minasebeta ku berhevkarê koleksîyona destnivisen Kurdî ye, di diroka xebaten Kurdî de cîyekî girîng dadigire. Her ku nirxê vê koleksîyone bêtir tê famkirin, nirxê berhevkarê wê jî beramberî wê betir dibe. Koleksîyona ku Jaba di heyama wezîfeya balyoztîya xwe ya Erziromê de berhev kiriye, ji alîyê edebiyat, dîrok, çand, folklor û zimanê Kurdan ve destnivîsên giranbiha dihundirîne. Koleksîyon bi vî rengê xwe wekî hafîzeya Kurdan ya sedsala 19emîn e. Tevkarîya vê berhevokê ya herî berbiçav ew e ku nûsxeyen berhemên stêrkên edebiyata Kurdî yên wekî Ehmedê Xanî, Feqîye Teyran, Melayê Cizîrî, Melayê Bateyî û hwd. veguhastine vê serdemê.