Sepetim (0) Toplam: 0,00

Di 1927’an de li Kolombiyayê, bajarokê Aracatacayê hat dinyê. Digel ku malbata wî pir dixwest jî xwendina xwe ya hiqûqê ya li zanîngehê kuta nekir û di rojnameyên El Universal, El Heraldo û El Espectador de nivîsî. Azmûne û şeydatiya wî ya rojnamevaniyê û rabuhuriya malbata wî digel rastiyên welatê wî bandoreke mezin li nivîskariya wî kir û hişt ku bibe yek ji navdartirîn kesayetên Emerîkaya Latîn. Márquezê ku piştî Veguherîna Kafkayî xwend tê gihişt ku mirov dikare di wêjeyê de tiştên nebûyî jî vebêjê û tiştên aşopî jî bi qandî tiştên rastî bide bawerkirin, bi îlhama tiştên di zarokatiya xwe de li mala dapîra xwe ji wê û ji bapîrê xwe û jinên din ên malê bihîstin, hejmareke têr û tije roman û çîrokên ku îro weke nimûneyên giranbiha ên realîzma efsûnî tên hesibandin, nivîsandin. Ji bilî romana xwe ya bi navê Cien Años de Soledad(Sed Salên Tenêtiyê) a ku di sala 1967’an de çap bû û nav û dengê wî li seranserê cîhanê belav kir, nivîskarê pirtûkên wek Hojarasca, El Coronel No Teine Quien Le Escriba, La Mala Hora, El Amor En Los Tiempos De Cólera û Vivir Para Contarla ye jî.

Gabriel García Márquezê ku di sala 1982’yan de ji bo ku “di çîrok û romanên xwe yên ku tiştên rastî û efsûnî ên di cîhaneke zengîn a aşopê de hatine pevbestin û jiyan û nakokiyên parzemînekê dereve dikin,” bi Xelata Nobelê a Wêjeyê hat perûkirin, di sala 2014’an de li México Cityê çû ser dilovanîya xwe. Serencama Mirinekê (Crónica De Una Muerte Anunciada) yekemîn pirtûka wî ye ku li Kurdî hatiye wergerandin.

GABRIEL GARCIA MARQUEZ - Yazarın Kitapları

Kapat