Di sala 1972'yan de, li Çewlikê ji dayik bû. Di sala 1993'yan de, li Swêdê bi cî bû. Li Swêdê, Beşa Medyayê di Zanîngeha Vaxjö û Kalmarê de xwend. Her wiha li ser wêje û derhênerîyê salekê di zanîngehê de perwerde bû. Demekê di televîzyona VT û TV4'ê de wekî nûçegihan kar kir, di rojnameyên Swêdî de nivîs, nûçe û gotarên wê weşîyan. Her wiha nûçegihanîya Özgür Politika û Mezopotamya Haber Ajansıyê kir.

Wê sê pêşangehên wêneyan vekirine, der barê zarokên kolanan de pirtûkeke bi wêne û çîrokan weşandîye. Xebatên der barê zarokên kolanan ên li Amedê dimeşîne û serokatîya Komeleya Piştgirîya Zarokên Kolanan ên Li Amedê dike. 

Di Azadîya Welat de, qunciknivîskarî û nûçegihanî, di NewrozTV'yê de, bernameya Nûjîyanê amade û pêşkêş dike. Di rojnameya Sêwdî Smalandpostenê de nivîsiye. Di Şaredarîya Vaxjöyê de wekî wergêr xebîtîye. Her wiha di nava xebatên walîtîya herêma Smalandê ya Swêdê de cî digire.